Team Vanuatu blong go kompit long Pacific Games long manis Julae i mas pefom long expektesen blong pipol.

Hemi wish blong evri citizen taem oli harem se Vanuatu bae i sendem wan delegesen go go ofisiet mo kompit long difren spot disiplin long bigfala kem ia.

Long saed blong Vanuatu National Sports Commission [VNSC] i komitim hem wan blong asistem Team Vanuatu long trening preparesen blong hem.

Long two manis i pass hemi alaoem ol spot federesen we bae oli part long tim blong yusum free Korman Sports Complex mo Gym long Ex FOL.

Hemi tekem aproj ia from hemi biliv strong blong kavman, Vasanoc, VNSC mo ol spot federesen i mas wok tuketa blong ajivim common goal we hemi blong winim plante medal.

Long wik ia ol wokman blong VNSC i muvum sam moa ekwipmen blong strength mo conditioning trening i go long FOL mo ol spot blong go long Samoa oli mas go yusum.