Kavman blong Vanuatu tru long Ministry blong Internal Affea, i ricivim long tete, 300 transculent modern ballot boxes i kam long UNDP.
Handing over blong ol ballot boxes ia hemi olsem wan mileston achivement towar kavman blong Vanuatu blong impruvum ol election process blong hem long future.
Minister blong Internal Affea, Andrew Napuat i talem long toktok blong hem se, hemi wan methodology we i apply over long wol mo Vanuatu too i part long hem.
Hemi talem se, 300 ballot boxe ia bae hemi sapotem Vanuatu blong mitim ol international standard blong conductem wan credible mo democratic election.
Ol newfala Transculent ballot boxe ia bae i replacem too ol wooden wan we Vanuatu i stap usum long time blong election.
Minister Napuat i pointemaot too se, long december 2017, UNDP tru long VEEP project long Vanuatu i bin handem over 100 transculent ballot boxes i go long electoral office.
Mo wetem 300 ballot boxe long tete, hemi mekem wan total blong 400 ballot boxe blong kavremap 351 polling station long Vanuatu.
Minister Andrew Napuat i talem las wan se, bambae Ministry hemi mekem sure blong distributum ol ballot boxe ia i go long ol province blong oli save yusum long time blong election.