Shortage blong Meresin we kantri i stap ko thru long hem naoia hemi from issue blong delay long process blong order we Central tender board (CTB) i just confemem long eli yia ia.
Hemi confirmation we i kam long Manager blong Central Medical Store (CMS), Wilson Lilip we i confemem shortage blong medicine we kantri i stap gat naoia.
Mr Lilip i talem se plan blong olgeta we oli mekem thru long Ministri hemi blong confemem ol oda blong medicine ia long November last yia, be Gavman i tes konfemem oda ia long February yia ia.
Mo wetem delay ia nao i mekem se ol orders blong medicine we Central Medical store i mekem thru long Ministri bai i just kasem kantri sometimes long manis April.
Be Manager blong CMS i kontinu blong talem se ol urgent order blong medicine we oli mekem, sam i kasem kantri vinis.
Long nara nius long saed blong olgeta clinic, NTM clinic i confemem tu shortage blong drugs we oligeta i gat sam wik i pass mo kasem naia oli no tekem yet full stock we oli nidim.
Be NTM clinic i openem doa blong hem bakegen long wik ia afta long wan notis we oli bin putum abaot shotage mo meresin.