Vanuatu Rugby League bae i mekem fes eva apierens blong hem long Pacific Games long yia ia.
VBTC spot i visitim ragbi lik tim long yestede aftanun mo hemi faenemaot se i gat two tim i stap tren.
Co-koj blong tim, Tony Lui talem se tim wan bambae i go long Samoa mo bae oli finalisem skwad i no longtaem.
Tony Lui i gohed blong talem se oli enkej fulwan long trening mo sins i festaem blong Vanuatu blong part long kem ia oli wantem pefom long expektesen mo eim blong winim medal.
Hemi se majoriti blong ol pleia hemi olketa we oli stap plei blong kantri finis.