I kat 900 servis bus long Efate we oli no rinium ol vehicle permit blong olketa yet.
Hemi ripot we i kam long Pablik Land Transport Authority.
Chief Executiv ofisa blong Authoriti ia, Reginald Tabi i talem se permit ia i expae vinis long decemba 31 mo pablik works i startem ol inspection blong hem long manis octoba las yia.
Mr Tabi i talem se afta long manis ia, i kat wan amount blong faen we bae ol driver i pem.
Hemi talem se taem wan trak i ron long rod, ol pepa i mus stret from safeti blong ol passenja i stap long hand blong hem.
Long wan semak nius, Pablik Land Transport Authoriti i remandem ol principal blong wanwan skul long kaontri blong mus mekem rere long ol studen ID card blong olketa.
Chief Executiv Ofisa blong Pablik Land Transport, Reginald Tabi i talem se manis march bae i vinis nao, mo ol skul i mus rere.
Hemi talem se long namba 1 april, ol driver blong pablik Land transport bambae oli start blo askem studen id card taem ol studen i pas long bus.
Mr Tabi i talem se ol skul i mus rere from sapos ol studen i nogat ID card bambae i save affectem attentence blong olketa long skul.