Depatmen blong Immigration i stap wok long process blong Visa blong wan Chinese National VICTOR WEI ZHUZHENG bifo oli deportem hem i ko long kantri blong hem.
Director blong Immigration, Jeffery Markson i confemem wetem VBTC nius se Mr WEI ZHUZHENG i no cooperate gud wetem olgeta blong processem visa blong hem, mekem se Depatmen i stap wok naoia blong  traem connectem flight blong hem.
Mr Markson i talem se Chinese National ia oli holem taet hem i stap naoia long Immigration detention while ofis i stap processem every paper blong removem aot hem long kantri.
Hemia i folem nomo wan Deportion  oda we Minista blong Internal Affairs, Andrew Solomon Napuat i bin saenem blong deportem hem aot long Vanuatu.