Dipatmen blong Imigreson mo Paspot sevis tru long ofis blong darekta, i kliarem se dipatmen i no salem passpot anda long sitisensip prokram we i stap kohed tedei.
Otoriti ia i talem se blong karem wan paspot, hemi wan sitisensip benefit we gavman i kat oblegeson blong mitim, afta we wan aplikant i wandem kam wan sitisen blong Vanuatu, mo karem sitisensip setifiket awod.
Ripot i talem se Dipatmen blong Immigreson mo Paspot i kolektem ol fi blong produsum ol paspot bifo ofisa blong imigreson i travel i ko blong delivarem paspot i ko long ol sitisen blong Vanuatu.
Darekta blong Dipatmen blong Immigreson, Jeffery Markson, i talem se ol immigreson ofisa oli sabjek anda long loa blong paspot blong delivarem paspot i ko long ol saksesful aplikants we oli karem awod blong wan sitisensip blong Vanuatu.
Dipatmen blong Imigreson mo Paspot i kliarem ol toktok ia folem ol toktok  abaot ol sel blong paspot.
Sale blong Vanuatu Passpot oversea cost blong hem isave kasem 5 MILLION Vanuatu long wan individual.