Gavman blong France i redi blong hostem ol ofisol blong gavman blong Vanuatu, blong nikosietem boda bitwin Vanuatu mo New Caledonia.
Las wik, ol sos blong dipplomatik long Paris i konfemem se miting bae i kohed long Europe long wan deit we bae tuketa Vanuatu mo France i agri long hem.
France i talem se hemi redi blong mitim fren blong hem, Vanuatu, long Europe. Oli talem se hemi wan konfidens bilding exasaes tuwod diskason blong Mathew mo hunter aelans.
Oli talem se oli wandem kontiniu wetem open mo konstraktiv toktok wetem Vanuatu. I bin kat wan proposol blong tufala kantri ia i mit long Manis Januari finis long yia ia, be deit ia i no posibol wetem olketa blong Paris.
Ol ofisol blong France oli talem se Paris i kat wan frenli rilesonsip wetem gavman blong Vanuatu mo tufala kantri i kat ol baletrol projek we i benefitim ol kantri long pasifik we i lok long wan diplomatik raorao ova long onasip mo seoverreniti blong tufala kantri blong Mathew mo Hunter.
Long manis Januari 2017, Praem Minista Charlot Salwai Tabimasmas i bin mit wetem ol ofisol blong Forein Afea blong France long Paris blong statem ol nikosieson abaot boda blong Vanuatu mo New Caledonia, bifo wan foloap nikosieson we i bin tekem ples long Sydney, Austalia long manis Februari las yia.
Vanuatu i kleiem Mathew mo hunter aelans se hemi pat blong Tafea provins, mo aelan blong Annietyum i konsidarem se i pat blong kastom onasip, be France i kleimem se hemi pat blong ovasi teritri blong New Caledonia.
Las wik Praem Minista Salwai i sendem wan strong toktok insaed long wan leta i ko long presiden blong France, Emmanuel Macron, mo i kritisaesem Paris long fasin blong no respektem sovereniti taem i sendem wan wosip blong France i ko long Mathew mo hunter aelans.
Tufala kantri France mo Vanuatu i mekem kol blong kat wan frenli soluson blong solvem ol isiu blong boda blong tufala.