Air Vanuatu i sainem wan memorandum of understanding wetem Dipatmen blong Labour mo Employment Services, long tedei 28 March.
MOU ia i blong mekem se i kat moa konsaltesen mo komunication between Air Vanuatu mo Labour Employment Services long area blong wok, we hemi kavremap employment loa mo labour polisi, mo ol work permit.
Mo anda long MOU ia bae tuketa pati i stap mit blong lukluk bak long ol loa we i kavremap wok blong ol staff blong airline, ol nid blong ol staff mo ol plan we airline i kat.
CEO blong Air Vanuatu, Derek Nice i talem se airline i respektem impoten kontribusen we ol 400 staff long airline oli mekem long Vanuatu, Australia mo New Zealand.
Hemi talem se airline i save achievim vision blong hem blong yia 2030, sapos hemi bildim wan positive wok ples blong ol staff blong hem, mo hemia hemi tru long sucess plan, mo career developmen blong ol wanwan staff.
Komisina blong Labour, Murielle Meltenoven i talem se Labour dipatmen i klad blong save tekem wan aktiv tingting olsem wetem nasonal airline, we bae i help long growth blong air transportation mo tu tourism indastri.
Komisina blong labour i invitem tu ol nara local bisnis haus blong folem wanem we Air Vanuatu i mekem, mo Labour dipatmen i stap oltaem blong help.