Supreme Kot blong Vanuatu i faenem se Victor Rory i guilti long evri 40 counts blong mani laundring, we I bin go againsem hem.
VBTC nius i andastan se kot hearing long supreme kot tede moning, hemi follem alleged misius blong ova 14 million vatu time hemi stap olsem principal aid negotiator long office blong praem minister.
Supreme kot i harem se fund ia, European Union(EU) i kivim blong sapotem ol prioriti divelopmen blong Vanuatu.
Judge blong Supreme Kot, Jastis olivier Saksak, i talemaut long kot tede monin, se bae difendend i kontinu blong rimain long bail kondisen(folem sam famili mata), mo bae i jes pas long kot bakeken long 24 April, long taem blong sabmisen blong sentencing, long 9 klok long moning.
Mo afta long emia, bae supreme kot i jes putum wan date blong sentensing, or blong kivimaut judgement blong hem.
VBTC nius i andastan se sentensin blong wan ofens olsem emi 12 yia long kalabus.