Wan international Symposium bae i tekem ples long wednesday mo Thursday next week long Port Vila abaot INCOME TAX blong Vanuatu.

Hemi wan Bigfala International scientific event we theme or bigfala toktok blong hem, hemi "WANEM INCOME TAX SYSTEM WE I GUD BLONG VANUATU."

Man we hemi inisitietem bigfala symposium ia, hemi Head Toulouse 1 Capitole University blong France, Mr Francis QUEROL tru long assistance blong Ministry blong Education, University blong New Caledonia mo French Embassy long Port Vila.

Head blong Gavman, Prime Minista Charlot Salwai, Minista blong Edukesen, Jean Pierre Nirua mo Chairman blong Malvatumauri National Kaonsel blong ol Jif, Jif Willy Gray Plasua bae oli tekem part tu long international scientific event ia.

Ol Participant blong Taxation Symposium ia, bae i kat ova 20 EXPERT we bae oli kam long FRANCE, AUSTRALIA mo FIJI inkludum ol official blong Gavman we bae oli lukluk long bigfala topic blong symposium ia we hemi " "WANEM INCOME TAX SYSTEM WE I GUD BLONG VANUATU."