Vanuatu mo ol nara Pasifik aelans forom memba kantri oli mitim Sekreteri Jenerol blong United Nations Antonio Guteres long wan raon tebol diskason yestedei long hedqota blong Forom sekretariat long Fiji.
Minista blong Forein Afea, Intanasenal Kopereson mo Extenol Tred, Ralph Regenvanu, i talem long VBTC nius se mein topik blong diskason blong miting blong olketa wetem Sekereteri Jenerol blong UN hemi abaot klaemet jens, mo miting ia i helpem ol wok blong ol pasifik aelan kantri inkludum Vanuatu tuwod bikfala samit blong klaemet jens we bae i tekem ples long Hed Ofis blong United Nations long New York long manis Septemba 2019.
Delegeson blong Gavman blong Vanuatu we i mitim sekereteri Jenerol blong United Nations long Fiji hemi inkludum Minista Ralph Regenvanu, Ambasada blong Vanuatu i ko long United Nations, Odo Tevi, mo Hai Komisina blong Vanuatu long Fiji, Nikenike Vurobaravu.