Wan Association blong Niu Kaledonia i wantem work wetem ol Fama blong wan komuniti long aelan blong Tanna.

Association ia hemi "TANNA BROUSSE ASSOCIATION" we i stap helpem ol fama long IWEL village long aelan blong Tanna.

President blong "TANNA BROUSSE ASSOCIATION", Mr Rabin GRANDIDIER i saenem wan "Grant Agreement" wetem Chargée d'Affaire blong French Embassy, Elisabeth Rosa-Laloy las wiken.

Grant agrimen ia i blong French Embassy i faenensem wan agricultural project long Komuniti blong IWEL long Tanna.

Purpose blong Project ia i blong "TANNA BROUSSE ASSOCIATION" i trainem ol local fama blong mekem sua se i kat wan quality agricultual production.

Project ia bae hemi involvem tu wan nursery mo establishment blong wan profitable market haos.