Minista blong Internal Afea i presem kavman blong New Zealand from Feiawa Park Projekt we tedei fulap pipol i stap enjoyem.

Minista Andrew Napuat i mekem toktok ia taem we Hai Komisina blong New Zealand long Vanuatu i handem ova Feiawa Park iko long kavman blong Vanuatu long fraede.

Mo Minista Napuat i jes handem ova iko long Lord Mayor blong Port Vila, Albert Sandy Daniel.

Minista Napuat i mekem kol long Port Vila Municipal Kounsel blong lukoutem gud Feiawa Park

Long respond, Lord Mayor Albert Sanday Daniel, i asurem ol authoriti mo pipol blong Port Vila se bae kounsel i lukoutem gud park ia.

Long handing ova seremoni ia, ibin kat tu presens blong Paramount Jif blong Ifira, Jif Mantoi Kalsakau.

Totol kost blong ol divelopmen projek ia i kasem 1.4 bilion Vatu.

Gavman blong New Zealand i givim 1.1 bilion Vatu mo Enhance Integrated Netwok EIF i givim 300 milion Vatu.