I gat wan total blong 9 student mo wan tija/tutor we oli kamaot long Agriculutre college bae oli attendem 12 month program long Israel.
VBTC News i kasem ripot long Private Secretary blong MALLFB, Levi Tarisa mo hemi confirmem se, ol ni-Vanuatu student ia bae oli attendem training long side blong animal helt, plan helt mo agri Businis.
Mr Tarosa i talem se wanem we hemi unique long program ia, every wik long monday kasem friday bambae oli spendem 4 days long wok mo wan day insaet long classroom.
Kavman blong Israel nao hemi fundem full program ia wetem sapot blong Vanuatu kavman long air fare blong ol student ia blong go long Israel.
out long 10 student ia, i gat 7 male mo 3 female mo oli kamaot long every provins blong Vanuatu.
Ol student ia bae oli lego kantry sometime long manis blong september ia.