Two Hercules aircraft blong New Zealand Defence Force i bin arrive yestete long Bauerfield airport long Port Vila.

Tufala Hercules ya wan hemi Boeing 750 aircraft hemi kam long New Zealand wetem ol relief supplies blong ko long Ambae long ol affected families.

Hemi bin land wetem 284 tarpaulins, 246 hygiene kits bucket, 42 family health kits mo 8 kits blong ol mama wetem ol pikinini.

Aircraft ya hemi karem tu 7 boxes blong ol wota containers mo 40 bag rice.

Ol samting ya ol army blong New Zealand Air Force oli bin transferem out long bigfala aircraft iko long wan Hercules Boeing 700 aircraft we hemi bin overnight long Pekoa.

Ripot hemi talem se smol Hercules ya hemi should karem ol samting i ko putum long Santo long yestete mo fly iko back long New Zealand.

Reason blong transferem ol samting from wan narafala aircraft iko long wan narawan hemi from Pekoa airport hemi no save accomodatem Hercules 750 aircraft ya mekem oli transferem ol samting iko long Hercules 700.

Help we New Zealand hemi stap kivim ikam long Vanuatu hemi bigwan tumas mo mani blong hemi around 190 Million Vatu.