Polis long Solomon aelan i arestem wan man Germany we hemi illegally ko insaed long Solomon aelan, afta we hemi pas tru long maritime boda between Solomon aelan mo PNG.

Polis i ripotem se oli finem man ia l,ong las wik long Supizae aelan long Choiseul provins, mo oli bin askem hem blong ko long Taro aelan blong polis i kwestenem hem.

Polis ibin advisem man ia blong leko Solomon aelan mo ko bak long PNG, be afta hemi ko long mainland long Choiseul provins, mo oli nomo luk sain blong hem.

Be wan tim blong polis i finem hem kolosp long Kona vilaj, mo oli arestem hem, mo hemi stap long han blong polis, mo wet long immigration dipatmen blong Solomon aelan blong lukluk long hem.

Ol authoriti oli klad long wanem we ol pipol blong Choiseul i mekem blong ripotem mata ia iko long polis.