Vanuatu i nidim ol Para-atlit blong prepare from 2019 Pasifik gem mo 2020 Tokyo Olympik.

Margret McFarlan blong Vanuatu Para-atlit oganaesesen emi talemaot toktok ia long VBTC News taem hem i stap tokbaot preparesen we olgeta oli stap mekem blong faenem Team Vanuatu Para-Athletic.

Hem i talem se long manis ia, long Wednesdei 23 May, bambae oli oganaesem wan full-dei trening program long Tanna long saed blong javelin, shotput, running.

Chris Dunn, we emi wan Para-atlit Koj bambae emi kam from Australia blong ranem program ia, wetem Denny Kalinga Lokol Spot Tija blong olgeta Para-atlit

Ms McFarlan i talem se emi hop se ol pipol i kam wetem ol pikinini o famli we oli stap liv wetem disabiliit, blong sherem wan fun dei mo tu blong oli save faenem sam gudfala atlit.

Hemi kontiniu blong talem se ol pipol we oli stap liv wetem disabiliti oli "ol pipol in the dark corner" o igat fulap stigma we oli putum long olgeta mo tuu samtaem ol famli oli filim sam sheim from olgeta.

Be Ms McFarlan i talem se emia i no shud hapen olsem, from ol pipol ia oli nid blong liv wan nomol laef tuu, mo save enjoyem laef.

Ol semak kaen trening olsem ia bambae oli oganaesem blong ol nara aelen raon long Vanuatu tuu long ol manis we i stap kam.