Wan tim blong ol dokta blong eye i stap givim plante joy long ol pipol we oli kat problem blong eye mo ol famli blong olgeta.

Tim blong ol eye dokta ia i inkludim ol dokta blong Fiji, dokta blong eye blong Vanuatu we i beis long Nothen distrik hospitol mo olgeta blong Australia.

Long yestedei nomo ol dokta blong eye ia i mekem operesen long ova long 20 pateint wetem katarakt we i gro mo blokem lens blong eye.

Mo i gat tuu ol patient we i gat ol nara kaen problem blong eye.

Olgeta patient we oli bin operetem eye blong olgeta long Mande oli bin go bak long hospitol long yestedei blong karemaot plasta.

Plante long olketa patient ia, oli talem bigfala tankiu long ol dokta mo tuu long ol otoriti we i mekem i posibol blong olgeta i save karembak gudfala visen long ol eye blong olgeta.

Bifo long operen, oli nidim naraman blong helpem olgeta blong wokbaot, be afta, oli save wokbaot olgeta wan.

Hemi wan gudfala samting tumas blong save lukim ol kaen help olsem we ol pipol i save kasem.

Fanding blong visit blong ol dokta ia i kam tru long Gavman blong Australia.