Lunganville municipal kansel i re-electem long wik ia Mr Onen Gaviga olsem Lord Mayor mo Deputi Mayor hemi Renata Netaf.

Fes deputi mayor hemi Dick Marawin. I gat tu election blong town planning chairman we hemi Michael Toa.

Minista blong internal affairs, Andrew Napuat we hemi samtaem minista we hemi responsible long ol municipal kansel i present tu, mo witnessem election ia.

Lord mayor blong Port Vila muncipal, Mr Albert Sandy Daniel i bin stap long taem ia tu wetem sam narafala kansela blong Port Vila municipal kounsel.

Long toktok blong Minista Andrew Napuat, hemi remindem ol kansela blong oli no forgetem ol wok blong olgeta.

Hemi advisim ol kansela blong mekem sua se seves deliveri hemi mas be wan long ol priority blong olgeta.