Folem olketa Digicel Championship matches long first division, Easton hemi just kam blong lusum wan match blong hem long Yestete akensem North Efate.

North Efate hemi openem sko long fes half blong game mo Easton hemi kam blong levelem true long low strike blong Nono Faelet.

Be bifo tufala tim i ko long half time North Efate hemi skorem wan mo goal blong putum sko long 2 goals to 1.

Tufala team i playem seken half without goal no mata tufla tim tugeta i bin kat plante chance blong sko.

Tete long 3 PM yet long fes division, bae Black Diamond bae hemi playem Yatel FC long Port Vila Stadium.

Long tumoro long 12 oklok, ABM Galaxy bae hemi Mauriki long Korman Stadium bifo Tupuji Imere blong Premier Division bae hemi play Siaraga FC.

Long Satete we i stap kam Mawia bae hemi fesem Ifira Black Bird FC long 12 oklok, long Korman Statdium, Erakor Golden Star bae hemi play Shepherds long 2:30pm before Tafea bae hemi play BSP Amicale long 5 oklok long afternoon.