Ol pipol blong Melemaat vilij, Efate i talem thank you tumas long New Zealand High Commission blong save luk save nid blong wota inside long community.

Anna Charley,representative blong ol woman, youth mo disable pipol i toktok long opening blong niufala wota projek last fridei mo talem se hemi wan dream kam tru blong olgeta pipol long community.

Hemi talem se ol mama bae oli nomo hardwok blong kasem wota.

Ms Charley i talem se ol disable pipol oli always kat miting long Melemaat villij mo main challenge we oli stap facem hemi oli nogat toilet.

Hemi talem se wetem wota projek we i kam bae ol disable pipol i save kat wan niw toilet wetem help blong MP Gillion William we i donatem some bag cement.