Sub-komiti blong Legal mo Institutional Issue blong, Melanesian Spiahed Grup,(MSG) i stap mit naoia long Port Vila.

Komiti ia emi inkludim ol representatif blong ol memba kaontri blong MSG mo oli stap mit blong lukluk long direksen blong Sinia Ofisols Miting SOM, mo Foreign Ministas Miting FMM blong riviuim ol key polisi dokumen we bae i guidem wok blong Secretariat blong MSG.

Ol miting blong SOM mo FMM i bin tekemples long finis long Maj yia ia, long Port Moresby long PNG mo i bin harem ol difren chalenj mo achivmen blong Sekretariat.

2-dei miting blong MSG ya i stap gohed naoia long Hedkwota blong MSG mo ol isiu we oli tokbaot i inkludim, Staff Regulesen; Secondment Polisi blong mekem se Sekretariat i save secondem ol ofisol blong ol memba kaontri; wan Delegesen Polisi; Medikol Scheme Polisi mo Travel Polisi.

Aotkam blong miting ia bambae oli karem i go long Governing Body blong MSG samtaem long yia ia.

Direkta General blong Sekretariat, Ambasada Amena Yauvoli i ekspresem apresiesen blong hem mo ofis long ol memba stet from komitmen blong olgeta blong atendem miting ia mo tokbaot ol gavenans isiu we i stap.

Hemi talem se miting ia, we bai i end tedei, Tasde namba 3 May, 'emi wan impoten miting blong Sekretariat we bae i strengthenem wok blong ofisa ia i go fored.

Papua Niu Guinea nao i stap olsem Chairman blong MSG.