Seaside Presbyterian Christ-Centred Community School long Port Vila, i launchem long yestedei, wan wik selebresen, blong markem 10 yia anivesari celebresen blong skul.

Chairman blong Skul Komuniti Asosiesen, SCA Paul Fred i talemaot long VBTC News se Jeaman blong Skul Kaonsel, Erik Natou-vi emi launchem aniveseri ia, long presens blong Principal David Narai, Evidens 1 blong Brisbane Australia, ol tija, ol studen mo ol gardien.

Mr Fred i kontiniu se Skul ia emi wan blessing we God i givim long Kommuniti blong Seaside mo emi sevisim tuu ol pikinini blong ol nara area long Port Vila, mo tuu rural efate, stat long Takara kasem Eton vilij.

Ol sponsa we oli kamaot long Australia, oli bildim fes double story, four klasrum bilding long 2007 mo long 2008 ol pikinini i statem skul.

Long yesterdei olpreperesen blong aniveseri i stat wetem ol klas foto, preperesen blong ol klas aktiviti mo clean-up we ol tija mo ol studen i bisi wetem.

Akoding long Mr Fred, program blong Tasde bambae i stat long 8 klok long moning wetem wan parade mo bambae i kontiniu kasem afta lunch.

Guest speaka long taem ia bambae emi Minister blong Education.