Vanuatu Broadcasting mo Television Corporation(VBTC) i announcem long yestedei morning, Telecom Vanuatu Limited(TVL) olsem major sponsa blong exclusive television broadcast long Vanuatu territori blong 2018 FIFA WOL Cup.

VBTC i announcem tu Wilco Hardware mo Colgate Palmolive olsem tufala associate sponsa blong exclusive coverage long Television blong Vanuatu.

VBTC i securem exclusive television broadcast raet long Vanuatu, blong televisem 2018 FIFA WOL CUP long Russia we bae i start long namba 15 June kasem namba 15 July 2018.

VBTC i sekurim tu, rait blong FIFA UNDER 17 Women's wol cup long Uruguay long namba 5 kasem 25 August, mo tu FIFA under -20 women's wol cup we bae tekem ples long Franis long namba 13 November kasem 1 December 2018

Hemia i meanim se Television blong Vanuatu hemi only television station we hemi legally licensed blong transmitttem live coverage long tri FIFA WOL Cup event ia long Vanuatu mo hemi required unda long ol term blong exclusive raet license blong protectem FIFA broadcast raet inside long Vanuatu territori.

Chief Executive Officer blong VBTC, Francis Herman i talem se television blong Vanuatu bae i providem fri mo live coverage as possible i go long ol area long Kantri.

TBV broadcast bae i includum opening mo closing ceremoni wetem ol match mo daily package blong olgeta trifala FIFA WOL cup event ia.

Mr Herman i talem se signal blong television blong Vanuatu bae i expand i go long olgeta area outsaed long Port Vila mo Luganville bifo taem blong opening blong 2018 FIFA Wol Cup long Russia mo i kat ol niu transmitter we i kam long Italy.

Coverage blong trifala FIFA wol cup bae i laef tu, long ol radio station blong VBTC we hemi radio Vanuatu mo Paradise FM.

TVL Team i glad from oli major sponsa blong FIFA WOL Cup blong 2018 long Vanuatu, mo talem se bae oli wok tugeta wetm VBTC blong bringim laef mo direct FIFA WOL CUP long Russia i kam long Vanuatu, from fulap man Vanuatu oli likem futbol.

TVL i talem se weta televison set or wan smart phone, bae oli mekem sua se ol pipol long Kantri i watchem game ya mo oli hope se ol pipol i enjoyem game mo smile oltaem wetem TVL.