Isangel Police station long Tanna, i gat wan new permanent Office blong hem.

New office ia i open long last wik taem we hed blong kavman, Praem Minista, Charlot Salwai Tabimasmas , High commisionner blong Australia, Jenny Daryn mo ol Minister oli mekem wan official vist i go long Tanna.

Part blong official visite we delegation blong Praem Minister i go long tafea provins hemi blong openem some long olgeta project we i stap under long TC Pam recovery program.

Plante long ol project ia, kavman blong australia nao i fundem wetem help we i kam long kavman blong Vanuatu under long TC Pam recovery program.

Opening blong new office ia hemi kam long wan stret time we people blong tafea i nidim tumas blong save accessem ol information long hem.

Hemi talem se renovation blong ol building mo newfala office blong police station hemi some long ol acheivement blong ol develpment blong tafea provins after long ol damage we cyclone pam i lego behind long provins ia.

President blong Tafea provins, Jeffrey Kaout, i talem se wetem ol acheivement ia hemi makem wan nara milestone mo history long development blong Tafea provins.