Minister blong Helth, Jack Kalmet Noris wetem High commissioner blong Australia Jenny Daryn i openem new TB ward blong Lenakel hopital long Tanna long las wik.

Hemi wan honour long ol people blong Tafea blong save kat wan new building blong TB ward blong save ko hed blong kivim helth service i go long ol people.

Launching blong niu building ia i tekem place taem we Praem minister Charlot Salwai mo delegation blong hem i visitim provins ia long last wik.

Acting community helth officer long lenakel hospital, Simon Saika, i talem se hemi wan bigfala honour mo respect blong save ricivim wan bigfala delegation olsem long lenakel hospityal.

Long time ia lenakel hospital i glad tumas, mo hemi kivim janis long wan patient blong hospital blong expresem wan tingting blong hem iko long delagaton blong Kavman.

Main thinkthink behind blong yusum patient ia hemi blong oli introducum wan new system we hemi hospital patient forum, folem nomo tingting long how nao patient i wantem blong yumi providem service i go long olgeta.