Intanasenal Federeson blong Red Kros mo Red Crescent Societies IFRC i rilisim 30 milion Vatu long Disasta Respons Imejensi Fan blong hem blong sapotem Vanuatu red Kross blong givhan long ol pipol blong Ambae we oli afekted long Manaro volkenu.

Jif exekutiv Ofisa blong Vanuatu Red Kros mo Disasta Manejmen Kodineta blong Vanuatu Red Kros Sosaeti, Jacqueline De Gaillande, i ripotem se oli eim blong givhan long ol pipol long pemanent namba 2 hom blong olketa.

Hemi talem se Vanuatu Red Kros bae i mobolaesem ol imejensi respon tru distribuson blong ol rilif aetom mo provison blong sapotem olketa we oli muv aot long aelan blong Ambae.

Wetem 30 milion Vatu ia bambae oli sapotem saples long 5,000 pipol mo samples long 1,000 famili wetem wota, saniteson mo haejin sapot, materiol blong imejensi shelta olsem tapolin mo shelta tul kits, haoshold m,o pesenol aetem mo wota kontenas.

Intanasenal Federeson blong Red Kros mo Red Crescent Societies IFRC hemi biges hiumaneterian netwok we i tekem tuketa 190 nasenal red kros mo sosaeti we oli wok blong sevem laef mo promotem digniti raon long wol.