President blong France, Emmanuel MACRON i talemaot se Franis bae i help tu blong riloketem Pipol blong AMBAE.

President MACRON i mekem toktok ia taem hemi mitim Praem Minista Salwai.

Hed blong Gavman Praem Minista Charlot Salwai Tabimasmas i bin kat janis tu blong storian wetem President blong France Emmanuel MACRON long Noumea, Niu Kaledonia.

Praem Minista Salwai i mitim tu Minista blong Europe mo Forein Affair, Jean-Yves Le DRIAN.

Ol discussion blong olgeta i haelaetem ol gudfala kwaliti blong bilateral relations bitwin Vanuatu mo Franis.

Ol toktok ia i givim wan spesel impotens long ol network or network bitwin Vanuatu mo Niu Kaledonia.

Ol opotuniti long saed blong ol International Koperesen i open tu blong Vanuatu wetem wan inkris long saed blong French Agency blong Development long Pasifik Rijen.

Long taem blong miting blong olgeta, Franis i talemaot tu se bambae oli kontribute tu long saed blong ol International relief effort blong sapotem Vanuatu wetem wan sensitive operation blong riloketem pipol blong AMBAE.