Resev sit blong ol woman long nasenal Palemen blong Vanuatu, i stap yet olsem wan tinktink insaed long ol propos ajenda blong gavman we i stap tedei.

Proposol ia, i stap insaed long ol politikol rifom blong Vanuatu.

Minista blong Intenol Afea, Andrew Napuat, i talem long VBTC nius se isiu ia i kam long atenson blong gavman mo i diskasem mo lukluk blong olsem wanem i save putum i ko insaed blong mekem ol neseri amendmen long ol loa blong Vanuatu insaed long flo blong Palemen.

Mr Napuat, i talem se long narasaed, demokratik voting sistem blong Vanuatu i pruvum finis long pas we pipol i save votem ol woman i ko insaed long nasenal Palemen blong Vanuatu.