Long beachvolleyball, wan tim blong Under 19 boys bae iko tekem pat long Beachvolleyball Wol championship long Nanjing, China.

Championship ia bae i stat long namba 26 June kasem 1 July.

Tufala pleia blong Vanuatu hemi James mo Nono Chilia.

Media Ofisa blong Vanuatu Beachvolleyball, Christel Homu i talem se afta we tufala i plei long Oceania Youth Olympics qualification event long Canberra, Australia long March yia ia, tufala i kam namba tri mo winim bronze medal, mo hemia i mekem se tufala i kwalifae from wol championship event long China.

I kat wan experience coach blong Australia, Shanon Zunker i stap long Port Vila naoia mo trenem tufala boy ia.