Port Vila Municipal kansel i gat naoia wan niu dei blong selebretem Port Vila Dei.

Mwetu Sandy we i stap olsem Assistant building inspector blong Port Vila Municipal Kounsel, i talem long VBTC nius se foma kansel tugeta wetem niufala kansel we i stap naoia, i mekem wan research mo faenem se Port Vila Dei hemi foldaon long namba 11 June hemia long nekis manis.

Mr Sandy i talem se bai i gat wan bik fala clean up campaign we bai i stap long ol difren wards long Port Vila long stat blong manis june bifo selebretion blong Port Vila dei long 11 June.

Hemi talem se bai i gat tu ol installation blong ol rabis bin mo tu smoking zone we kansel i wandem mekem blong kipim Port Vila city i clean oltaem.

Hemi talem se Telcom Vanuatu Limited (TVL) i confemem finis blong sponsorem smoking zone ia.