Vanuatu i gat wan manis nomo i stap bifo hemi stopem use blong plastic bag long kantri.

Long dei two blong plastic bag ban communication strategy wokshop we i stap tekem ples long Melanesian hotel long Port Vila, i lukium impotance blong educatem ol pipol blong stopem use blong plastic mo tu ol impacts blong plastic we i save spoilem environment blong umi long Vanuatu.

Regulation or loa blong banem plastic bag long Vanuatu hemi kam anda long Waste management Act we parliament i bin pasem long 2014.

Dei two blong wokshop ia i lukium tu ol participants oli involve blong kam up wetem sam slogans mo colour we umi save usem long everidei life blong mekem awareness long ban blong plastic bag long Vanuatu.

Vanuatu hemi kam olsem fes kantri long pasifik mo even internationally blong stopem use blong plastic bag. Decision ia kavman i bin mekem blong mekem sua se Vanuatu bai i kam wan gudfala ples mo bai i gat wan gud healthy environment.

Tony Tevi we i headem division blong Maritime mo Oceans long Dipatmen blong Foren Afea, i talem se wokshop ia i tekem tugeta evri bisnis house, ol kavman representatives, ol NGO, mo ol mama blong market blong kam tugeta mo tokabaut olsem wanem oli save educatem ol pipol long ol area blong olgeta thru long ol awareness.

Bikfala tingting behaen long wokshop ia hemi blong preparem wan useful awareness blong evriwan i save usem olsem wan strategic tool blong equipem ol pipol blong oli pat long implementation blong national goal we hemi reducem marine litter long ocean or solwora blong umi.

Waste mo pollution management hemi wan bikfala issue blong ol pasifik kantri naoia, from hemi afecktem bikwan tourism, agriculture mo fisheries long ol pasifik kantri.