Long Cook aelan, Opposition grup i kwestenem taem blong wan visit we ambasada blong China i mekem blong openem wan skul sam wik bifo general eleksen blong kantri ia.

Ol memba blong Democratic Pati i mit wetem Ambasada blong China, Wu Xi mo resem konsen abaut taem we hemi ko long event ia, we hemi 2 wik i pas, taem we hemi handem ova skul projekt ia.

Deputi Lida blong pati ia, James Beer i talemse hemi no stret blong wan nara kantri i kam kivim donesen, kolosap long taem blong wan nasonal eleksen, mo hemi luk se hemi part blong wan kampein taktik blong kavman blong Cook aelan.

General eleksen blong Cook aelan bae i tekem ples long namba 14 June.