Kavman blong Franis bae i pem nara 1-tausen item blong helpem ol famili Ambae.

Ol item ia hemi ol blanket, ol konteina blong wota, mo ol nara samting blong ol famili oli usum.

Ol item ia bae i pas tru long Vanuatu Red Cross Society, blong hemi save kivim iko long ol famili blong Ambae, mo olketa famili long ol aelan we bae oli hostem ol famili ia.

CEO blong Vanuatu Red Cross Society, Jacqueline De Gaillande (pro:Shaklin De Kayond) i talem se taem we Red Cross i kasem final disisen mo relocation plan blong kavman abaut situation blong Ambae, bae hemi ko hed wetem respons plan blong hem, blong kivimaut ol relief saplai.

Hemi talem se oli sendem wan trak iko long Ambae blong helpem ol volentia blong Red cross blong mekem ol wok blong olketa.

CEO blong Red Cross i talem se transport hemi wan long ol bik fala challenge long ol aelan.