China i donatem long tedei 500,000 US dollar we i equivalent long 50 million vatu i ko long kavman blong Vanuatu.

Mani ia hemi blong assitem kavman wetem ol humanitarian assistance mo tu long resettlement blong ol pipol blong Ambae.

Handing ova ia i stap tedei long morning long convention centre we i lukium minista blong pablik woks Jotham Napat ,minista blong intanal afeas Andrew Napwatt, minister blong lands Alfred Maoh mo ol narafala kavman representatives oli present tu wetem Acting Prime Minista, Jean Pierre Nirua blong witnessem handing ova blong cheque ia.

I gat tu special envoy blong China Mr Du Qiwen i stap long Vanuatu blong handem ova cheque blong 50 million vatu ia.

Mr Qiwen i expressem heart blong hem from ol pipol long Ambae we oli stap affected naoia long ol activiti blong volkenu.

Hemi talem se China bai i always respond mo provedem assistance long ol pipol blong Vanuatu long wateva samting we oli nidim.

Hemi apprecitiem ol pipol blong Ambae blong save gat strong hat long ol hard taem we oli stap fesem naoia.

Long toktok blong Acting Prime Minista, Jean Pierre Nirua i talem se miting we i stap tedei long moning hemi blong strenthem bak relationship we China i gat wetem kavman blong Vanuatu.

Mr Nirua i talem se bai Vanuatu i mekem wan gud use long ol help we kavman blong china i kivim blong resettlem ol pipol blong Ambae long ol seif ples.