Vanuatu emi ajivim namba 2 ples long Medal Tally, bihaen long Australia, long Melanesian Athletic Championship.

Chairlady blong oganaesing komiti blong ol Gem ia, Mary-Estelle Mahuk mo Team Vanuatu koj, David Benjamin i talemaot long National News Hour blong Radio Vanuatu, se Team Vanuatu i winim totol blong 38 medal evriwan; 36 medol long Able atlit spot, mo 2 blong Kwevira long saed blong ParaAtlit.

Team Vanuatu i ajivim 9 Gold medol, 9 Silva mo 17 Bronze medol.

Koj Benjamin i talemaot se i gat fulap ol atlit blong Vanuatu i bin impruv mo mekem ol niufala pesenol best taem.

Hemi stap mekem kol i go long ol koj raon long kaontri we oli karem setifiket blong olgeta finis blong oli kam long kontakt wetem ofis long Vila blong save help blong trenem ol atlit mo prepea from Pasifik Gem blong nekis yia, 2019.

Koj i hop se wetem komitmen blong gud trening Team Vanuatu i save kontiniu blong impruv mo karem moa medol long ol Regional Gem long fiutja.