Wan kot keis i bin go hed long Port Vila, long wik ia we i lukim ol loya blong ol deklea Port Vila Urban Land Ona mo loya blong gavman i stap debet from ol raet we konstitusen i givim long ol kastom lan ona.

Mo tuu plante debate nao i kamaot raon long isiu blong kompensesen blong lan ona from lus blong kraon blong hem.

Ol kwestin i bin arise se from wanem gavman i no bin identifiem ol stret kastom lan ona long 1981 olsem loa we oli bin putum i stap.

Mo tuu mane we gavman, long 1992 mo 1995, i givim long ol kastom lan ona emi bin kamaot long Vanuatu Urban Land Koporesen, VOLKAN, we emi mane nomo blong ol lan ona, be ino blong gavman.

Keis ia Supreme Kot Judge, Justis Andre Gustav Winslet nao i preside ova long hem.

Ol loya blong ol kleimen o kastom lan ona emi Kapapa loya firm, Loya Kilu mo tuu loya Napuati.

State Law Ofis nao i representem gavman.

Long Mande wik ia kasem yestedei kot i harem ol evidens blong ol witness blong ol lan ona mo tuu tufala witnes blong gavman.

Kot emi adjourn kasem Wednesdei nekis wik taem we bambae emi harem Foma Minista blong Lan, mo semtaem karent Minista blong Foren Afea, Ralph Reganvanu, we emi stap ovasi yet.