Tingting blong ol Moderate Pati i kam tuketa iko long wan nara level bagegan long Fridei las wik.

Ol lida blong ol difren pati we ibin break aut long Union blong Moderate Pati, ibin ko bak tuketa mo tokabaut ol tingting blong ko wan bagegan, afta we oli bin stap tokabaut long sam yia i pas finis.

Mo even oli bin shoem sam sain finis long past blong ko tuketa, mo tingting ia i stap iet.

I kat wan miting i tekem ples long area blong foma MP, Willie Jimmy long Tebakor mo oli tokabaut ol wei blong achievem strong tingting ia blong ko tuketa, afta we oli divide long taem tumas.

Hemi Teknikel Advisa blong nasonal interim executive blong Moderate, Jean Paul Virelala.

Hemi talem se long miting ia oli setemap wan Moderate nasonal interim executive.

Presiden blong Interim executive ia, hemi Maxime Carlot Korman.

Mo insaed long interim executive ia i kat everi lida blong ol moderate pati, mo sam memba blong olketa.