Mount Tabwemasana long Santo we i stap olsem haes hill long Vanuatu, i officially kam wan conservation area.

Depatmen blong Environmental protection tugeta wetem Live and Learn Vanuatu mo kominiti blong Kerepua oli bin wok had tugeta blong kipim ples ia i stap olsem wan conservation area.

Mount Tabwemasana area ia hemi legally recognize olsem conservation area unda long Pat 4 blong EPC Act CAP 283.

Tabwemasana kominiti conservation area hemi wan long olgeta bikfala registered conservation long Vanuatu mo hemi kam namba 6 registered conservation long Vanuatu we kavman i stap mekem.