Ol Sapota blong France oli stap priperem olgeta fullswing naoia blong tekem part long ofisol Parade we VBTC bae hemi oganaesem long tosdei wik ia long Port Vila.
Priperesen ia i bin stat taem we evri Fan blong France Football Team i bin kam tugeta long fraede las wik long Sea Front Stage long Port Vila.
Bae yumi notem tu prisens blong Délégué Général blong Alliance Française, Georges CUMBO mo tu wan representatif blong French Embassy, Guillaume LAISSE.
Plante ol difren lida blong ol difren eria long Port Vila, tu MELE, IFIARA, Erakor oli bin tenap blong harem ol information olsem wanem bambae olketa i sapotem TEAM blong olgeta long taem 2018 FIFA WORLD CUP
Kodineta blong ol Sapota blong Franis long Port Vila, Arno ROBERT, i talem se nambatri miting blong evri sapota blong Franis bae i tekem ples long 5'oklok long tede aftenun long sea front stage
Ofisol Parade we VBTC bae hemi oganaesem bae i start long SARALANA long 12PM i ko kasem long Fresh Wota field long thursday wik ia.
