Presiden blong Vanuatu Football Federation, Lambert Maltock i kam niu akting presiden blong Oceania Football Confederation.

Ileksen blong hem i tekem ples long OFC kongres we i sidaon long Moscow, Russia long Mande 11 June 2018.

Lambert Maltock bae hemi akting presiden blong komplitim term blong exekutiv komiti blong Oceania Football Confederation mo afta long hem bae i just gat propa ileksen blong niu presiden.

Mr Maltock hemi kam otomatik FIFA vaes presiden mo bambae hemi tekem wan seat long FIFA Council wetem tufala nara OFC reprisentatives Lee Harmon mo Sandra Fruean.