Ol yangfala boy mo gel long Port Vila mo ol eria klosap bae oli save part long ol trening prokram blong wan niu karate federesen we i bon i no longtaem.

Niufala karate federesen i setap blong akomodetem gud divelopmen blong ol karate klab mo tijim true spirit blong karate.

Port Vila Vanuatu Karate Federation (PVVKF) hemi kompraes long stael karate blong Goyu Ryu wetem sensei Noel lango, Shoto Kan wetem sensei Salas Hawa ,mo Shito Kai wetem Sensei Stephen Mananruru.

PVVKF hemi setap blong kontiniu strengthem mo upgradem patisipesen blong kaontri long evri Oceania mo intanasonal jampionship tunamen.

Karate federesen ia i gat wan exekutiv komiti mo hemi gat wan niu constitution we oli draftem finis blong akomodetem ol karate klab mo wan wan karateka we oli wantem kam pat long hem.

Hemi gat wan 10 yia plan blong divelopem karate blong Vanuatu.

PVVKF bambae i ranem fesfala Karate seminar blong developem olgeta tingting blong karate, mo true value blong karate respect long everi student, long namba 30 June mo bae i hoem fes independens kompetisen blong hem long next manis.