Plande long ol pipol blong Ambae we oli bin liv long ol evakueson senta long sef zon long Ambae oli ko long ol hom blong olketa finis.

Kaonsel blong ol Minista i bin putum deit se taem blong muvum aot ol pipol blong Ambae stat long namba 1 Jun kasem 30 July i ko long Maewo.

Be VBTC nius i andastandem se naoia plande long ol evakueson senta oli empti finis afta we ol pipol i ko long ol hom vilij blong olketa finis.

Nomata we plande pipol oli muv i ko long ol hom vilij blong olketa, be i kat sam pipol i stap yet long evakueson senta espeseli long Torgil trening senta mo St Patricks College be olketa we oli liv long East Ambae oli ko bak hom finis long Saot Ambae.

VBTC nius i andastandem tu se tinktink blong ol pipol blong Ambae se letem Gavman i finisim wok blong hem wetem ol nara otoriti blong karem graon long ol nara aelan we oli adentifaem mo provaedem sevis i rere gud insaed long ol graon ia, bifo ol pipol i ko liv long hem olsem namba 2 hom blong olketa.