Sam skul long Vanuatu i part long 2018 FIFA wol kap selebresen we i stap gogohed long wol tedei.
Central School long Port Vila i wan long olketa skul ia we hemi holem wol kap MUFTI Dei blong hem long tede Fraede 15 June 2018.
Hemi wan spesel dei we manejmen blong skul i makem blong evri studen stat long kindagaden kasem yia 13 i go long skul wetem unifom blong ol kantri we oli kompit long wol kap.
Spot tija blong Central School, Ali Silas i ripotem se hemi seken taem blong skul ia i holem wol kap Mufti Dei mo ol pikinini i enjoim bigwan from oli no werem skul unifom taem oli atendem class.
Long semtaem ol pikinini oli pentem feis blong olketa long kala blong kantri we oli go from long wol kap.
Mr Silas i se long 2014 oli bin holem semak aktiviti olsem ia mo wanwan class i gat ol bigfala TV skrin we oli wajem laef wol kap maj long hem.
Hemi adem se evri pikinini i no save sakses long edukesen mo kaen spot aktiviti olsem i kivim opotunity long olketa we i weak blong luk save se i gat laef afta long klasrum.