Ofis blong Praem Minista hemi reiteretem bakeken se Pilote we Opposition i stap tokbaot hemi wan kwalifaed pilote.
Ol document we i ofis blong Praem Minista i kat, i shoem se hemi kwalifae blong flaem ol commercial flight.
Ofis blong Praem Minista i talem se Pilote we Opposition i stap refer long hem, hemi passem saksesfuli  accrobatic TEST blong hem,  mo ino hem wan nomo we hemi saksessfuli passem pepa blong hemi save fly, from i kat wan nara pilot blong Pentecost mo narawan tu blong Tanna.
Olgeta trifala pilote ia oli bin risaen long Air Vanuatu folem nomo rabis condition blong work, mekem se 2 fala nara pilot i ko flaem plane long Kiribas.
ofis blong Praem Minista i talem se Pilote blong Tanna i kasem bak kantri finis, wael, pilote blong Pentecost hemi kam naoia Jif Pilote long Kiribas.
Ofis blong Praem Minista i talem se Praem Minista hemi no interfer long Air Vanuatu.
Hemi talem se Pilote ia i kobak wok long Air Vanuatu wetem ol nara Pilote folem nomo decision blong ol shea Holder blong Air vanuatu long last  yia wetem Council blong ol Minister.               
Long last yia, ol shea holder wetem Council blong Minista oli agri, se any position we i stap long Air Vanuatu we eni man Vanuatu i save okupaem oli mas lokalaesem.
Folem decision ia, Board of directors blong Air Vanuatu naoia, hemi stap blong karem bak ol pilote we oli bin finisim stadi blong olgeta, be oli no save flyem Air Vanuatu from i nokat place blong olgeta.