Citizenship reform-18 manis

Vanuatu i kat 18 manis blong vinisim reform blong Citizenship Program.

18 manis extensen bae i en long August 3 2024.

European Council i kivim wan nara 18 manis blong gvim taem long Vanuatu folem wan leta long Prime Minista, Ismael Kalsakau blong askem wan six manis extension.

Counicl blong European Union i mekem disisin ia long Decemba 1 2022 afta long wan leta we oli kasem long Prime Minista Kalsakau long Novemba 25 las yia wetem plan blong refomem program blong citizenship. Afta long hem ia Prime Minista Kalsakau i lidim wan delegation i ko long European Union blong miti wetem ol lida fes to fes.

European Union bae i ko hed blong wok kolosap wetem ol committee tru long ol miting online so bae oli karem fes hand infomesen long progres long graon.

Long domestik level blong Vanuatu, Praem Minista Kalsakau i bin talem long VBTC Nius se Kavman tru long State Law Ofis i priperem wan reguleson we bae i ko long nasenal Palemen blong strentenem skrining proses blong sitisensip program blong kantri.

Prime Minista Kalsakau i talem se bae i kat tri difren skrining proses we bae i stap long reguleson ia.

Wan bae i kam long Polis, narawan hemi Immigration mo Financial Intelligence Unit wetem ol netwok blong ovasi blong skrinim olgeta we oli aplae blong karem citizenship blong Vanuatu.

Bae i kat wan moa miting online blong ol technical committe wetem Ambassador we i beis long Brussel, His Execellency George Maniuri blong pripea blong tim i kat wan moa miting wetem European Union long February 15. ia.