COVID-19 konfem long HMAS Adelaide -Tonga

Twenty-three pipol we oli stap long wan Australian Navy ship i ko long Tonga blong help long disasta blong volcano mo tsunami i tes positiv long COVID-19.

Radio New Zealand i ripotem se Australian Dipatmen blong Defense i talemaot long wan steitmen se ol positiv kes ia wetem ol pipol we oli bin kat klos kondak wetem olgeta i stap olgeta wan bageken long wan rum insaed long ship we i kat 40 bed hospital we i kat ol theatre we i opereit mo ol wod blong dil wetem olgeta we oli sik bigwan.

Dipatmen blong Defense i talem se ol kes ia bae i no stopem trip blong ship blong kasem Tonga long Wednesday moning ia.

Oli talem se oli kat konfidens se oli save dilivarem ol saplae we i stap long ship i ko long lokol otoriti long Tonga mo no pasem virus.

Tonga hemi wan long kaontri long Wol we i stap olsem COVID-19 fri mo kavman blong Tonga i mekem i klia se hemi prioriti blong stap olsem.

-RNZ-