COVID-19: Sanma i vaccinatem 50 per cen blong population

Araon 24,000 pipol long Sanma Provins i kasem fes stik o kasem stik blong COVID.

Ol health otori i stat blong stikim ol ol pipol stat long age blong 18 mo ova long Sanma long en blong August.

Sanma Rural Health Marie France Christian i talem se turnaot ia hemi gud tumas, espeseli long ol frantline health wokman mo i nokat eni saed efek i ripot.

“I kat sam pipol long sam long ol eria we mifala i visitim oli no kasem fes dos blong COVID vaccine yet mbe mifala i luk fowod blong kasem moa pipol long Sanma,” Mrs Christian i talem.

Sanma Provincial Health Emergency Operation Center i talem se i kat 33,924 pipol blong tekem vaccine long provins ia.

Vaccination i stap ko hed long noten capitol blong Vanuatu, Lugnville, wetem seken dos blong Astrazeneca mo Sinopharm vaccine blong oli rolem aot.

Mrs Christian i talem se Sanma Provincial Health Emergncy Operation Center i stop blong kivim aoy ol fes dos blong Sinopharm mo Astrazeneca long Luganville.

Mbe hemi talem se Vulesepe Health Center long Saot Santo Eria Wan i stil stap kivim aot ol fes dos blong Astrazeneca.

Sanma Rural Health i talem se rolaot blong stik meresin blong COVID long rurol eria i hapen long eria blong east Santo, Canal Fanafo mo Malo aelan.

“Afta long ol rolaot blong vaccine long Saot Santo Eria Tu, bae mifala i tagetem Saot Santo Eria Wan, Westcoast Santo Eria Kaonsel, Notwest Santo Eria Kaounsel, Bigbay coast mo Bigbay Inland Eria Kaonsel,” Mrs Christian i talem.