COVID health rodmap

Ministry blong Health i rilisim wan health rodmap blong wan sef rikavari blong katem daon ol ristriksen blong COVID mo muv i ko long niu nomol.

Health i talem se hemia i blong alaoem ol repatriation program blong Kavman hemi save stat bakegen olsem fes wei blong openem International Boda long July 1.

Anda long rod map ia, ol provins bambae oli open long ol difdifren taem beis long wetaem bambae oli pasem peak o hae mak blong COVID outbrek mo mitim ol vaccination taget.

Shefa Provins hemi fes provins blong transisen i ko long rikavari phes 2 stat long Friday(April 22). Hemi beis long klia evidens se namba blong ol niu kes we health i stap ripotem i ko daon long Shefa mo namba blong olgeta we oli test mo positiv risal hemi stap ko daon.

I nogat inkris long namba blong ol kes long hospital mo vaccination reit hemi hae.

72 percent i tekem tugeta tu stik blong COVID. 80 percent oli tekem fes stik.

Long Shefa Provins, vaccination coverage hemi 78 percent, 88 percent oli kasem fes stik mo 24 percent oli kasem boosta dos.

Health i talem se wetem vaccination reit ia, hemi daonem mo preventem bigwan namba blong pipol we oli sik bigwan long COVID, admisen long hospital mo ded reit long Vanuatu.

Oli ko hed blong askem pipol i washem hand wetem sop mo wota, werem mask mo meintenem social distens.

 

(Visited 56 times, 1 visits today)

About The Author

You might be interested in